நீங்கள் தேடியது "வாலிபர் அடித்துக்கொலை"

பெரியபாளையம்:

பெரியபாளையத்தில் உள்ள தனியார் தொழிற்சாலையில் அசாம் மாநிலத்தைச் சேர்ந்த கோகுல், அவரது நண்பர்களான முன்னூ, டெப்பாஜித், மொன்னா ஆகியோர் பணியாற்றி வருகின்றனர்.

இவர்கள் 4 பேரும் பெரியபாளையம்- யானம் பாக்கம் சாலையில் உள்ள மதுபானக் கடையில் மது அருந்தினர். அப்போது மதுவை பங்கு வைத்தபோது பிரச்சினை ஏற்பட்டது.

இதனால் ஒருவரை ஒருவர் தரக்குறைவாக திட்டிக் கொண்டனர். அப்போது நண்பர்கள் மூவரையும் கோகுல் தடுத்துள்ளார். இதனால் ஆத்திரம் அடைந்த நண்பர்கள் 3 பேரும் சேர்ந்து கோகுலை சரமாரியாக தாக்கினார்கள்.

இதில், படுகாயமடைந்து காது, வாய், மூக்கில் ரத்தம் வந்து கோகுல் உயிருக்கு போராடினார். அருகில் இருந்தவர்கள் கோகுலை மீட்டு சென்னை அரசு ஆஸ்பத்திரிக்கு கொண்டு போய் அனுமதித்தனர்.

கோகுலை தாக்கிய நண்பர்கள் மூவரையும் போலீசார் கைது செய்து காவல் நிலையம் கொண்டு வந்தனர்.

இந்நிலையில், தீவிர சிகிச்சை அளித்தும் பலன் இன்றி நேற்று கோகுல் பரிதாபமாக பலியானார்.

எனவே, குற்றவாளிகள் 3 பேர் மீதும் வழக்குப்பதிவு செய்து ஊத்துக்கோட்டை முதல் நிலை குற்றவியல் நீதிமன்ற நீதிபதி முன்னிலையில் ஆஜர்படுத்தி புழல் சிறையில் அடைத்தனர்.

மதுரை:

மதுரை வேளாண்மை கல்லூரி அருகே உள்ள மலையாளத்தான்பட்டியை சேர்ந்தவர் ராமகிருஷ்ணன். இவரது மனைவி மாலதி. இவர்களது மகன் மலைச் சாமி (வயது21). இவர் கருப்பாயூரணி பாரதிபுரம் தெருவில் உள்ள சாயப்பட்டறையில் பணியாற்றி வந்தார்.

சம்பவத்தன்று மலைச் சாமி ரத்தக்காயங்களுடன் உயிருக்கு போராடிக் கொண்டிருப்பதாக தாய் மாலதிக்கு தகவல் கிடைத்தது. அதிர்ச்சி அடைந்த அவர் உடனே சாயப்பட்டறைக்கு சென்றார்.

அங்கு காயங்களுடன் மலைச்சாமி கிடப்பதை கண்டு அதிர்ச்சி அடைந்தார். மகனை ஆம்புலன்சு மூலம் அண்ணாநகரில் உள்ள தனியார் ஆஸ்பத்திரிக்கு கொண்டு சென்றார்.

அவரது நிலைமை மோசமானதால் மதுரை அரசு ஆஸ்பத்திரிக்கு அனுப்பி வைக்கப்பட்டார். ஆனால் அங்கு சிகிச்சை பலனின்றி மலைச்சாமி பரிதாபமாக இறந்தார்.

இதுகுறித்து மாலதி கொடுத்த புகாரின்பேரில் அண்ணாநகர் போலீசார் வழக்குப்பதிவு செய்து மலைச்சாமியை தாக்கியது யார்? எதற்காக தாக்கப்பட்டார்? கொலை செய்யும் நோக்கத்தில் இந்த சம்பவம் நடந்ததா? என்ற கோணத்தில் விசாரணை நடத்தி வருகின்றனர்.